Af hverju að rækta græmneti við heimahús í borðum?

Það eru fjórar góðar ástæður fyrir því af hverju það er betra að rækta grænmeti í borðum frekar en í hefðbundnum kálgörðum.

Þægindasjónarmiðin tvö:

Í fyrsta lagi er það vegna þess að þá þarf ekki að krjúpa eða liggja á hnjánum við að sinna beðum og plöntum. Með því að vera með moldina og plönturnar í þægilegri hæð þá er hægt að nytja plönturnar án þess að fara niður á hnén. Það er allt annað að sinna plöntum sem eru á jörðinni eða í svipaðri hæð og eldhúsborð. Eldhúsboð eru um 72 sentímetrar, sm, til 75 sm. Hæðin á borðunum frá letigörðum er 65 sm. Hægt er að panta hærri borð eða lægri boð. Við höfum valið 65 sm svo það sé þægilegt að vökva.

Í öðru lagi þá erum við laus við meindýr eins og snigla, maðk og mýs þegar við ræktum í borðum þar sem moldin er í 40 sm hæð frá jörðu. Eins er auðvelt að verja borðin fyrir ágangi fugla.

Eðlisfræðilegu sjónarmiðin tvö:

Í þriðja lagi vegna þess að með því að klæða kassann á borðinu að innan með svörtu plasti  og tjalda yfir borðin með glæru plasti þá fáum við svokölluð Gróðurhúsaáhrif í gang í borðunum. Hitinn inni í borðunum verður 3°C til 4°C hærri en útihitinn. Það munar miklu fyrir allan vöxt.

Í fjórða lagi vegna þess að með því að slíta moldina sem ræturnar vaxa í frá kuldanum í jörðinni, þá fer moldin í borðunum að sveiflast með lofthitanum. Lofthitinn á Íslandi yfir vor og sumarmánuðina er alltaf hærri en hitastigið á 10 sm dýpi í kálgörðum landsmanna. Þegar hitastigið í moldinni og þar með hitastigið á rótum plantnanna fer að sveiflast með lofthitanum plús það að lofthitinn inn í borðinu er að jafnaði 3°C til 4°C hærri en lofthitinn úti, þá fara undur að gerast hjá plöntunum. 

Þetta eru galdrar Letigarðanna. (Plús auðvita moldin frá okkur en blöndunin á henni er okkar leyndarmál)

 

Við hjá Letigörðum bindum vonir við það að með því að opna fyrir möguleikann á að rækta matjurtir í þessum borðunum okkar þá opnist fyrir fólki nýr heimur og við vonumst til þess að þessi borð valdi straumhvörfum í matjurtarækt við heimahús á Íslandi.

Eins að þessi borð opni möguleikann á því að rækta við heimahús matjurtir sem í dag eru aðeins ræktuð í gróðurhúsum.