Letigarðar

19.2.2010 | 12:32

Vilt þú rækta 50 kg af jarðaberjum í sumar og þurfa aldrei að beygja þig?

Það gæti verið góður möguleiki með því að rækta jarðaberin í borðunum frá Letigörðum. Borðin eru 1,2 metrar á breidd og 2,1 metri á lengd. Við klæðum þau að innan með svörtu plasti, setjum í þau tæplega 20 sentímetra þykkt lag af Letigarðamoldinni, setum glært plast yfir borðin og erum þá í raun komin með lítið gróðurhús. Gróðurhús þar sem hægt er að rækta flestar þær matjurtir sem fást í matvöruverslunum landsins. Gróðurhús þar sem þú þarf aldrei að beygja þig.

Í þessum borðum er hægt að koma fyrir miklum fjölda plantan, sjá hér og hér.

Með því að við ræktum jarðaberjaplönturnar í mold sem ekki er lengur í snertingu við jörðina þá byrjar hitastigið í moldinni að sveiflast með lofthitanum. Að sumarlagi á 10 sentímetra dýpi í jörðinni er hitinn í moldinni alltaf lægri en í lofthitinn. Gróðurhúsaáhrifin valda því að lofthitinn undir plastinu í borðunum verður 3 til 4 gráðum hærri en útihitinn. Þegar moldin sem ræturnar eru í fara að sveiflast með lofthitanum plús það að hitinn inni í borðunum er 3 til 4 gráðum hærri en lofthitinn úti, þá fara góðir hlutir að gerast í garðræktinni. Þetta eru galdrar Letigarðaborðanna

Í þessum borðum eru kjöraðstæður til að rækta grænmeti, kryddjurtir og ber.

Ef þú ferð inn á heimasíðu Letigarða hér og skoðar síðuna um forplöntun, hvernig á að skipuleggja borðin og hver hugsanlegur ávinningur er af því að koma sér upp einu borði með jarðaberjaplöntum þá sérð þú að þú átt alla möguleika að rækta tugir kílóa af jarðaberjum í sumar.

Taktu þátt í því með okkur að móta nýja menningu við ræktum matjurta við heimahús, úti í garði eða úti á svölum. Fáðu þér borð í sumar og ræktaðu eigin matjurtir.

Flokkur: Lífstíll | Breytt s.d. kl. 23:04 | Facebook